انتا اهلاوى و لا زملكاوى
سؤال يطرحه اى واحد بتعرف عليه انتا اهلاوى اقوله لاء انتا زملكاوى اقوله لاء يبقى اتحداوى لاء يبقى اكيد بتشجع الاسماعيلى يا عم لاء أمال بتشجع مين مش بشجع
ازاى هو كده يا عم مليش فى الكوره
ازاى ملكش يا عم و الله مليا فى الكوره خالص سواء تشجيع او لعب انا من الاخر اخرى كنت العبها على الاتارى و اتارى السيجا و البلاى ستيشن و الكمبيوتر
مش عارف انا ارتكبت جنايه عشان مبشجعش فرق او من الاخر مليش فى الكوره
واحد قعد مستغرب و مبحلقلى و فاتح بقه كده زى اللى اتصدم و لا كأنى ارتكبت جنايه لما قالى انتا اكيد اتفرجت على نهائى كأس الامم الافريقيه اللى مصر كسبت فيه كأس الامم الافريقيه و قلتله لاء انا عارف انه النهائى ده اللى اتعمل فى مصر
سنه 2006 تقريبا و فجأه قام و قالى كنت فين ساعه الماتش اكيد كن تعبان قلتله لاء يا عم
قالى أمل كنت فين قولتله كنت بتمشى على البحر ساعتها يا عم
قالى معقوله ماتش نهائى متشفهوش
قولتله يا عم انا حر براحتى قالى حر ازاى لازم تشجع منتخب بلدك قولتله يعنى انا لو اتفرجت حبقى بشجعه
صاحبنا قام و ضرب كف بكف و مشى
انا عاوز اعرف بقا هو غلط انى متفرجش على ماتشات او مشجعش فريق غلط يعنى على سمعتى
غلط انى مبقاش من هواه الكوره و انديتها
مش عارف يا ريت تجاوبوا عليا
موضوع جميل جدا يا محمد وفعلا فيه ناس مش بتقدر إن اللى قدامها ليه ميول وهوايات من الوارد أن تختلف عن ميوله وهواياته لأن فيه فروق فردية
ردحذفأنا مثلا بحب الكورة ولو حد كلمنى فى المصارعة بتضايق بس لازم أقدر أن مش كل الناس بتحب الكورة
وأنا فى رأيي إن السبب الرئيسى فى إن الناس بقت كل حياتها كورة هوا الأعلام لأن التليفزيون والصحافة فى عالمنا العربى مركزين على الكورة بشكل جنونى
وهما السبب فى الأحداث اللى بتحصل بين الجماهير وفى الأخر يطلعوا يقولوا عايزين نقضى على الشغب والحوارات دى اللى هما صنعوها بالأساس
وبعدين فيه ناس مبتحبش الرياضة أصلا أو بتحب نوع اخر من الرياضة هما بقى ايه ذنبهم أن طول اليوم ماتشات كورة
شكرا يا محمد موضوع جميل بجد
الله يخليك يا باشا و شكرا على انك علقت هو فعلا موضوع غريب اوى تحس ان اللى مش بيشجع الكوره ده جى من عالم تانى او جايز فكرين ان عشان الارض كرويه فلازم كله يحب الساحره المستديره
ردحذفانا اه بنت صحيح بس ليا فى الكورة
ردحذفمش قوي قوي يعنى بس احيانا بتفرج على ماتشات نهائى او ماتشات مهمة خاصة الاهلى واي حاجة تانية اصلى اهلاوية وبحب العب كورة
بس مش جريمة يعنى انك ماتحبش الكورة دي هواية يعنى مش واجب وطنى
يا جامد انتا يا بتاع الكوره ماشى يا قمر العبى براحتك و شجعى براحتك بس زى ما قلتى ده مش واجب وطنى
ردحذفو الله انت دماغ يا محمد
ردحذف