هى الايام شبهه بعض و لا لاء

مش عارف النهارده افكارى مش متنظمه اجى اكتب موضوع اكتب نصه و بعد كده امسحه و اكتب موضوع تانى اجى فى نص الموضوع التانى مش عارف اكمل فيه حاجه ناقصه ايه مش عارف اكتب خلاص الافكار خلصت صعب ان الواحد الافكار عنده تتقطع مفيش انسان مش بيكتسب خبره فى اليوم سواء اسم حركه موقف جديد مهما كانت الشغله اللى بيشتغلها سواء صحفى طالب موظف فى العلاقات العامه 
موظف حكومى كل يوم الانسان بيكتشف حاجه جديده بيشوف ناس جديده بيشوف اسامى جديده بيمشى فى شوارع جديده حد بيسأله سؤال بصيغه مش متعود عليها صعب ان الانسان يبقى حياته على رتم واحد 
حتقولولى لاء فيه مش عارف مش مصدق يعنى مثلا الراجل اللى جى من الشغل ده لما ركب مواصله مشفش ناس جديده ملقاش واحد بيتكلم فى موضوع مش عارفه مسمعش صوت جديد مشفش اعلان جديد مشفش منظر جديد صعب مش كده انا من الناس اللى بتؤمن ان الايام مش زى بعض عمر ما يوم شبهه التانى ممكن نسبيا يبقوا شبهه بعض بس مشتحيل يبقوا متطابقين زى بعض بالضبط عمر ما يوم كان شبهه بعضه ابدا 
الدليل كل يوم التاريخ بيتغير صح 
يبقى الايام مش شبهه بعض و لا لاء
على العموم برضه حسيب سؤال فى الاخر 
هى الايام شبهه بعض و لا لاء