تانى تانى تانى و رجعت اكتب تانى

بعد الشلل الكتابى اللى جالى مش عارف ليه من ايه لقيت نفسى بكتب من تانى فى اى موضوع يعجبنى عاوز اتكلم فيه اكتبه على طول حاجه شخصيه حاسس بيها مش مشكله لقيت نفسى ماسك القلم و عمال اكتب تخلص ورقه اكتب التانيه المهم يا جماعه ساعات كده بحس بأن فيه ناس كتير نفسها تكتب لكن مبتكتبش مكسوفه جايز حاسه انها حتفشل حتكتب اى حاجه يا عم متخفش اكتب يا انسه اكتبى يا مدام اكتبى يا استاذ اكتب و الله الواحد لما يتكلم فى الورقه مع ناس مبيعرفهمش مش بيخاف بقا اذا كان حيقولوا ايه اللى انتا كتبه ده ايه الهبل ده ايه العبط ده مش مهم المهم انكم تعبروا عن نفسكم على جواكم فى حدود و لا بتجرح فى جنسيه و لا دين فى الحدود المعروفه يعنى بس المهم اكتبوا

قصص الانبياء

بجد بعشق حاجه اسمها قصص الانبياء افتكر و انا صغير كان والدى الله يكرمه و يطول فى عمره كان كل يوم يقرالنا جزء من قصص الانبياء و قصه نبى ورا نبى ورا نبى لغايه ما اتشبعت لبها حبيبتها بقيت اقراها لما كبرت حفظت جزء كبير منها و الحمد لله بحكيها للاطفال الصغيرين لما تيجى عندنا البيت لما اروح لمكان فيه اطفال و عاوز اسكتهم كده يعنى اعرفها لصحابى اللى مش عارفناها يا ريت كل اخ و كل اخت و كل اب و كل ام يقروها و يحكوهل لعيالكم جايز يتعلم منها حكمه معلومه سلوك عشان للاسف كتير دا من الشباب يعرف قصه حياه مغنى او ممثل كامله و ميعرفش قصه سيدنا يوسف او يونساو موسى او غيرهم من الانبياء عليهم السلام
و ربنا قال فى كتابه العزيز ( ان فى قصصهم عبره لاولى الالباب)

قصائد معاصره اعجبتنى

دايما بحب القصايد اللى فيها فكره جديده قصه جديده محبش القصايد الممله القصايد اللى على وتيره واحده بحب كده اغربل كده على قصايد حلوه و يا سلام بقى لو تبقى متغنيه بصوت حلو سواء من مطربه او مطرب معروفين بقى مش معروفين مش بشغل بالى
من كام شهر كده و انا قاعد بقلب رزقى فى القصايد لقيت قصيده اسمها لا تغضبى من كلمات و الحان الاخوين رحبانى و لقيتها بصوت حليم الرومى و اللى ميعرفوش ده ابو ماجده الرومى ولو حد يعرفها و هى كمان غنت الاغنيه المهم القصيده بتقول ايه


لا تغضبي.. مهلاً.. ولا تعجلي
وقبل أن ترحلي.. عاتبي
لا تغضبي.. أفديكِ إن تعدلي
على الأقل اسألي واذهبي
وحق ليلاتنا.. ما خنت عهداً لنا
حيّت فحييتها.. ساعة مرت بنا
أبسمةٌ حائرة من غادةٍ عابرة
خلتكِ يا حلوتي على الهوى ثائرة؟


القصيده دى بقا قصتها مشكله الظاهر ان واحده قفشت حبيبها و هو بيبص لبنت زى القمر مزه يعنى زى ما بيقولوا و حبيبته معاه فالظاهر قلتله ازيك عامل ايه او فتحت معاه حوار سريع فهو قام بقى سايق مع البت شويه فطبعا حبيبته معجبهاش الموقف فقامت و كانت حتسيبه فهو قاعد بقى يقولها و الله ما خنتك و الله ما عملت و لا نيلت حاجه بس اعدى افهمك الحكايه و الروايه و لا انتى عاوزه تعمليها بقا حكايه و تمشى و تسيبينى

القصيده دى بتحصل مع اى شاب مصرى خاطب و لا بيحب و وواحده جارته و لا قريبته جت سلمت عليه و لا كلمته و حبيبته قعده معاه

ايه الفرق ما بين أتجوز وأتزوج

بجد من الكلمات الغريبه اوى اللى بتصادفنى الاتنين بمعنى واحد دى بالعاميه و التانيه بالفصحى عارف فيه ناس حتقول ايه الهبل ده يا عم روح العب بعيد طب و الله بجد ركزوا كده اتجوز مكونه من ايه ( أ - ت - ج - و-ز ) ولحد حيقولى حتقلبها حصه نحو
طب خدونى على قد عقلى ركزوا على أتزوج مكونه من ايه ( أ - ت - ز-و-ج )
ناس حتقول و بعدين اقولهم انا كل اللى مستغرب ليه ان الاتنين حروف واحده و بمعنى واحد و الغريب انهم عكس بعض فى ترتيب الحروف و و بيدوا نفس المغنى اقلب جوز حتطلع زوج اقلب زوج حتطلع جوز و ياما العاميه حتدينا فى كلام معكوس من اللغه الام بس كده ده هو كله الموضوع

ملحوظه

اللى حيشتم منه لله
الشتيمه تلف تلف و ترجع لصحابهم
صباحكم نادى بالصلاه على الهادى لو كان صباح
مساكم هادى بالصلاه على الهادى لو كان بالليل

لله يا جزاير

من زمان و انا بحب اسمع اغانى الراى و اللى ميعرفش اغانى الراى ده نوع من اغانى الشوارع طلع من الجزائر فى اوائل الثمانينيات تقريبا من بلد اسمها وهران
شدنى اغنيه بتقول

لله يا جزائر يا وردة الروح
نحلم نجي يوم عطر الحب يفوح
تنام بيوت الناس مفتوحه البيبان
و علاش الحراس؟


ده حلم الشاب خالد من سنين نفسه يشوف الجزائر كده شعب طيب شعب مفهوش تعصب فيهم حب و سلام و طمأنينه
و اكيد ده اللى مش موجود فى الجزاير من زمان و انا اعرف ان الجزائر شعبها شعب ناشف مفهوش عواطف مليان عنف و كده انا اتأكدت من ده من الاغانى بتاعتهم الشاب خالد بيقول فى اغنيه( القلب اللى نبغيك انا نكويه
يعنى تقريبا العنف و الوحشيه دى عندهم عادى انا اتذكر فى برنامج شفته من كام يوم بيقولك ان الجزائريين قعدوا 13 سنه بيحاربوا فى بعض حروب اهليه كانوا بيدخلوا يجيبى قريه عاليها واطيه زى ما بيقولوا يجيبوها عن بكره ابيها
و قبل كده حرقوا بيت المدرب سعدان
المهم انا بقا نفسى حد يجيب ليا اول الخيط فى كرهه الجزائريين للمصرييين