بنلف نلف نلف

من 10 سنين كده كان عندى شريط كاسيت لورده بتاع والدتى كان فيه اغنيه بحبها اوى اسمها بنلف نلف نلف كانت كلماتها غريبه كده بس كنت بحبها و بسمعها كتير جدا و عرفت ان سميره سعيد غنتها هى كمان و لما جبت النت لقيت مصطفى قمر برضه بيغنيها بس هى كلمات جديده و طلعت الحان و كلمات الراحل بليغ حمدى أسيبكم مع كلمات الاغنيه زى ما غنتها ورده

بنلف نلف نلف نلف و السنين بتلف تلف تلف
و ألم بيزيد و جراح بتخف
بنلف نلف نلف نلف و السنين بتلف تلف تلف
و الم بيزيد و جراح بتخف
حبيبي بنستقبل ربيع و نودع ربيع يخضر الشجر تتنسي الدموع و يحلو السفر
حبيبي بنودع ربيع و نستقبل ربيع يأمرنا القدر تنطفي الشموع و يغيب القمر
و نصبح ذكريات مجرد ذكريات مجرد غنوة حلوة من ضمن الاغنيات
و نصبح ذكريات مجرد ذكريات مجرد غنوة حلوة من ضمن الاغنيات
حبيبي

بنحب نحب نحب نحب عطشانين للحب الحب الحب
و الشوق بيقيد و يدفي القلب
بنحب نحب نحب نحب عطشانين للحب الحب الحب
و الشوق بيقيد و يدفي القلب
حبيبي و امطار الشتا بتطفي كل ده و القلب الحزين بين ليلة و يوم يدوب من الانين
حبيبي ضحكتنا بكا قسمتنا كده تهدينا السنين ايام الهموم و نموت عطشانين
و نصبح ذكريات مجرد ذكريات مجرد غنوة حلوة من ضمن الاغنيات
و نصبح ذكريات مجرد ذكريات مجرد غنوة حلوة من ضمن الاغنيات
حبيبي

سواقى ، دنيانا سواقى و فراق و تلاقىفيها دوارين كل لفه يروح منا الموعودين
سواقى ، و فراق و تلاقى و العمر اللى باقى منا و من السنين كل لحظه يبوح باللحن الحزين
و نصبح ذكريات مجرد ذكريات مجرد غنوة حلوة من ضمن الاغنيات
و نصبح ذكريات مجرد ذكريات مجرد غنوة حلوة من ضمن الاغنيات