أعترف أني بدأت أقرأ بالتدريج و لولا الاصدارات دي مكنتش اتعلمت يعني ايه قرايه انا فاكر زمان كانوا ماما و بابا بيجيبولي مجله سمير التابعه لدار الهلال و مجله علاء الدين التابعه لمؤسسه الاهرام و اصدارات سماش و فلاش لخالد الصفتي.و ميكي جيب اللي كانت تابعه لدار الهلال قبل ما تروح لنهضه مصر
و لما كبرت شويه دخلت على سلسله رجل المستحيل و ملف المستقبل لنبيل فاروق و ما وراء الطبيعه لاحمد خالد توفيق اللي كلهم كانوا بيصدروا عن المؤسسه العربيه الحديثة
و بقيت مدمن دلوقتي على اصدارات الهيئه العامه لقصور الثقافه و اصدارات الهيئه العامه المصريه للكتاب و المجلس الأعلى للثقافه ، لولا كل الاصدارات دي مكنتش فكرت اني اشتري كتب او ابدأ في القراءه أصلا
ليست هناك تعليقات:
إرسال تعليق