الاول قبل اى حاجه كل سنه و انتم طيبين بمناسبه عيد الفطر اعاده الله عليكم مرات و مرات عديده و مديده
نبدأ الموضوع
أمبارح و انا بصلى العيد فى الخلاء ، اصلى متعود اصلى العيد فى ساحه مش فى مسجد . فأقرب ساحه للبيت ساحه بيقيمها الاخوان المسلمين و بقالى كتير بصلى فيها. المهم صلاه العيد السنه دى و لا كل سنه كل 4 تكبيرات بالعدد يبقى فيه فاصل سياسى زى صوتك أمانه ، الاخوان المسلمون خير من يمثلك فى مجلس الشعب ، عاوزين تعرفوا حاجه عن الاخوان متعرفوش من بره أسألوهم بنفسكم هما موجودين فى الجوامع و المدارس و الجامعات و أماكن العمل ، وافقوا على مطالب التغيير السبعه ، غير طبعا النشرات بتاعه كل سنه بس زياده عليها انهم منشورين وورقه من الورق المقوى عليهم المطالب السبعه للتغيير ، غير ورقه المسابقه اللى بتبقى بعد الخطبه ، وورقه مكتوب فيها و لا تكتموا الشهاده و من يكتمها فأنه اثم قلبه اذا اردت ان تعرف رقم بطاقتك الانتخابيه اكتب الاسم رباعى ، رقم التليفون و سوف نتصل بك
وحاجات بقا كتير كتير حسيت أنى فى قناه فضائيه ساعه ما بتعرض المسلسل الشيق اللى الناس متبعاه بتنزل اعلانات بالعبيط ، قلت فكك يا بنى صلى العيد و اقعد كبر و خلاص و كبر دماغك و انا بكبر لقيت شاب حليوه كده حاطط شريط مكتوب عليه الاخوان المسلمين جه و قالى ممكن اخد من وقتك دقيقه انا بصراحه فى سرى قلت الله يطولك يا روح قالته اتفضل قالى انتا موافق على مطالب التغيير السبعه لو موافق ممكن حضرتك تكتب اسمك و رقم بطاقتك بصيت ليه و ضحكت و قلتله ده وقته الشاب اتحرج و مشى و بعد شويه لقيت شاب تانى غير الاولانى و قالى حضرتك عملت البطاقه الانتخابيه لو حضرتك معملتهاش ممكن تملى الورقه دى و احنا نتصل بيك قلتله شكرا عملها من 5 سنين
جه وقت الصلاه صلينا العيد و قاعدين بقا نسمع الخطبه اول 5 دقايق خطبه عيد بجد رمضان بقا و لازم نبقى زى رمضان و الحاجات اللى تشجعك دى مره واحده دخل على الايجابيه و السلبيه و فجأه اتحولت خطبه العيد لخطبه سياسيه من الدرجه الاولى و قعد الراجل الخطيب يخطب حوالى 45 دقيقه و الناس يا عينى مستنيه المسابقه عشان تكسب حاجه ( شعب غلبان ) انا كل ما اقول انى امشى عشان حسيت أنها خطبه لدعم مرشحى الاخوان لانتخابات مجلس الشعب القادمه الاقى اخويا يشدنى و يقولى عاوز تضيع ثواب صلاه العيد استحمل
لقيت الخطيب دخل على مشكله تصدير الغاز و قطع الكهربا و البطاله و العنوسه و قعد يقول ما فى الخمر و عمال يقول الحكومه الكافره العاهره الفاجره .انا مش بقول كده عشان حاجه بس العيد فرحه و بهجه للمسلمين مش تفكيرهم بالهموم بتاعتهم هما عارفنها اكتر من اى حد
نبدأ الموضوع
أمبارح و انا بصلى العيد فى الخلاء ، اصلى متعود اصلى العيد فى ساحه مش فى مسجد . فأقرب ساحه للبيت ساحه بيقيمها الاخوان المسلمين و بقالى كتير بصلى فيها. المهم صلاه العيد السنه دى و لا كل سنه كل 4 تكبيرات بالعدد يبقى فيه فاصل سياسى زى صوتك أمانه ، الاخوان المسلمون خير من يمثلك فى مجلس الشعب ، عاوزين تعرفوا حاجه عن الاخوان متعرفوش من بره أسألوهم بنفسكم هما موجودين فى الجوامع و المدارس و الجامعات و أماكن العمل ، وافقوا على مطالب التغيير السبعه ، غير طبعا النشرات بتاعه كل سنه بس زياده عليها انهم منشورين وورقه من الورق المقوى عليهم المطالب السبعه للتغيير ، غير ورقه المسابقه اللى بتبقى بعد الخطبه ، وورقه مكتوب فيها و لا تكتموا الشهاده و من يكتمها فأنه اثم قلبه اذا اردت ان تعرف رقم بطاقتك الانتخابيه اكتب الاسم رباعى ، رقم التليفون و سوف نتصل بك
وحاجات بقا كتير كتير حسيت أنى فى قناه فضائيه ساعه ما بتعرض المسلسل الشيق اللى الناس متبعاه بتنزل اعلانات بالعبيط ، قلت فكك يا بنى صلى العيد و اقعد كبر و خلاص و كبر دماغك و انا بكبر لقيت شاب حليوه كده حاطط شريط مكتوب عليه الاخوان المسلمين جه و قالى ممكن اخد من وقتك دقيقه انا بصراحه فى سرى قلت الله يطولك يا روح قالته اتفضل قالى انتا موافق على مطالب التغيير السبعه لو موافق ممكن حضرتك تكتب اسمك و رقم بطاقتك بصيت ليه و ضحكت و قلتله ده وقته الشاب اتحرج و مشى و بعد شويه لقيت شاب تانى غير الاولانى و قالى حضرتك عملت البطاقه الانتخابيه لو حضرتك معملتهاش ممكن تملى الورقه دى و احنا نتصل بيك قلتله شكرا عملها من 5 سنين
جه وقت الصلاه صلينا العيد و قاعدين بقا نسمع الخطبه اول 5 دقايق خطبه عيد بجد رمضان بقا و لازم نبقى زى رمضان و الحاجات اللى تشجعك دى مره واحده دخل على الايجابيه و السلبيه و فجأه اتحولت خطبه العيد لخطبه سياسيه من الدرجه الاولى و قعد الراجل الخطيب يخطب حوالى 45 دقيقه و الناس يا عينى مستنيه المسابقه عشان تكسب حاجه ( شعب غلبان ) انا كل ما اقول انى امشى عشان حسيت أنها خطبه لدعم مرشحى الاخوان لانتخابات مجلس الشعب القادمه الاقى اخويا يشدنى و يقولى عاوز تضيع ثواب صلاه العيد استحمل
لقيت الخطيب دخل على مشكله تصدير الغاز و قطع الكهربا و البطاله و العنوسه و قعد يقول ما فى الخمر و عمال يقول الحكومه الكافره العاهره الفاجره .انا مش بقول كده عشان حاجه بس العيد فرحه و بهجه للمسلمين مش تفكيرهم بالهموم بتاعتهم هما عارفنها اكتر من اى حد
ليست هناك تعليقات:
إرسال تعليق