شط اسكندريه

لاء متخفوش مش حكتبت اغنيه فيروز كفايه طهقتكم من الاغانى اللى بحبها مره فيروز و مره منير و مره ام كلثوم  لا انا النهاره حتكلم عن حبيبتى اسكندريه اللى عايش فيها و عايشه فيا بقالها 22 سنه من ساعه متولدت بعشقها بعشقها بعشقها ببحرها بناسها بمواصلاتها بمشاكلها بحلوها بمرها برملها بعمايرها بريحه بحرها بريحه السمك اللى فى بعتبق فى بحرى فى سلسله السمك بريحه التراب اللى فيها ايوووووووووه يا اسكندريه أيووووووووه يا اسكندريه لما الواحد يمشى على شطك و رملك و كورنيشك احساس عمرى ما حسيته و لا فى اى محافظه من اللى زورتها و لا اظن انى ححسه فى اى مكان تانى و لا تقولى مطروح و لا راس محمد 

بحس بروحى هناك على الشط فى وش الميه تحتى الرمله لما هوا الشطط بتاع اسكندريه بيدخل نغاشيشى يااااااااه بأختصار يا جماعه  شط اسكندريه و كورنيش اسكندريه حبيبتى الاولى و الاخيره 

متضايق من حاجه هناك عندها فرحان هناك مبسوط هناك زعلان هناك على الكورنيش على الشط 

قدام البحر قاعد واقف نايم على الرمله المهم انى هناك قدام الشط قدامى البحر 

يا ما مشيت على الشط و الكورنيش و لا ازهق 

يا ما قعدت على الرمله و ميجليش ملل  و لا طهق 

ياه يا جماعه لو كتبت 100 موضوع عن حبى للاسكندريه و شط اسكندريه 

مش حوصف حبى للاسكندريه 

بحبك بحبك بحبك بحبك بحبك يا اسكندريه 

عاشق اسكندريه 

محمد حميده